Ard magnaidagh y twoaie

Soiaghey ard magnaidagh y twoaie as ard thallooin-vagnaidagh y twoaie ayns 2017.

Ta ard magnaidagh y twoaie çheet er nane jeh daa voayl er y Dowan raad ta e ream magnaidagh jeeraghey dy pontreilagh sheese. Ta'n fer elley ry-gheddyn ec ard magnaidagh y jiass.

Ta'n ream magnaidagh jeeraghey dys ard magnaidagh y twoaie veih boayl erbee er y Dowan. Myr shen, ta airdeylagh dy kinjagh streeu jeeraghey dys y twoaie.

Cha nel ard magnaidagh y twoaie unnane as Ard y Twoaie, ta çheet eh hene er poull çheeroaylleeagh y twoaie. T'eh rouailley dy moal. Ayns 2001, ren fwirran dy heanseyryn ooley dy row ard magnaidagh y twoaie soit faggys da Ellan Ellesmere ayns twoaie yn Chanadey ec 81.3°N 110.8°W / 81.3; -110.8 (North Magnetic Pole 2001). Ayns 2005, v'eh oolit dy row eh soit ec 82.7°N 114.4°W / 82.7; -114.4 (North Magnetic Pole 2005 est). Roish 2015, v'eh er credjal dy row yn ard er ny scughey çheu hoal jeh aggyrtys thallooinagh Arctagh y Chanadey dys 86.3°N 160.0°W / 86.3; -160.0 (Magnetic North Pole 2012 est).

Er yn oyr nagh vel ard magnaidagh y twoaie unnane as Ard y Twoaie, cha nel airdeylee jeeraghey dys y twoaie dy jeeragh, agh s'beg yn anchaslys t'ayn.

Kyndagh rish sprangaght ream magnaidagh y Dowan, cha nel ard magnaidagh y jiass soit jeeragh noi. Cha nel linney ta tayrnit veih ard dys ard goll trooid çheshvean y Dowan.

Kianglaghyn magh

• "Wandering of the geomagnetic poles". Geomagnetism. National Geophysical Data Center. Feddynit magh er 19 Averil 2012.
• "Geomagnetism". Natural Resources Canada. 1 Averil 2012. Feddynit magh er 19 Averil 2012.
• Caslys-çheerey rouail yn ard
• "North Magnetic Pole could be leaving Canada" (20 Mayrnt 2002). 
• "Magnetic pole drifting fast" (12 Nollick 2005).